vifito.eu

Xa non sorprende ver cada día un novo framework para desenvolvemento web áxil empregando técnicas de andamiaxe (scaffolding), modelado Obxecto-Relacional, sistema de plugins, integración coa nube, ... todo o que vén sendo un Full Stack Web Framework. Dende o "boom" Ruby on Rails foron moitos os desenvolvedores que implementaron o seu stack empregando ferramentas de consola para automatizar a creación de código (CakePHP, symfony, Zend_Tool, django, Grails, ...)

No mundo "puramente" Java, co cal quito desta afirmación Grails (xa que é linguaxe Groovy), parece que son máis reticentes a isto das ferramentas para automatización de código e os desenvolvedores prefiren perder tempo en interminables ficheiros de configuración XML, véxase a configuración dun proxecto Struts.

Non deixa de ser certo que linguaxes como Ruby, Python ou PHP, son máis flexibles e permiten a implementación destas funcionalidades dun xeito máis simple e directo mediante metaprogramación ou polo simple feito de xerar un ficheiro de texto co código a interpretar.

PERO é aquí cando a xente de SpringSource decidiu incrementar a productividade dos desenvolvedores creando Spring Roo. Esta ferramenta facilita o acceso a todas as principais e máis importantes tecnoloxías Java do momento, para crear aplicacións empresarias sen perder en rendemento. Facendo uso da consola que proporciona roo podemos crear a estructura do proxecto, as entidades JPA, os controladores e as vistas en Spring MVC, a interface en GWT, as buscas con Solr, fluxos con Spring Web Flow, desenvolver os nosos propios «addons», ... e finalmente paquetizar a nosa aplicación nun ficheiro WAR para posteriormente despregalo nun contedor web.

Este venres pasei o exame para a certificación de programador Java (SCJP). Un exame que hai que levar preparado xa que o aprobado está nun 65%, e as preguntas son "a pillar".

O mellor recurso para o estudo é o libro de Kathy Sierra. Este libro vén cun simulador case idéntico ao que se enfrontar no exame e as preguntas dispoñibles no texto son moi moi semellantes ás do exame. O libro é moi recomendable (nota: e non teño comisión).

O outro recurso moi valioso é o blogue de Matías Emiliano con moitas referencias, entradas, ligazóns, exames, ...

A comunicación entre javascript e un applet Java é moi sinxela. Para amosar o funcionamento deixo un exercicio de prácticas que fixen amosando como recuperar o applet no DOM e como acceder aos métodos que ten implementados.

O código do applet é moi sinxelo:

import javax.swing.JApplet;
 
public class BridgeAppletJavascript extends JApplet {
 
  public void init() {
 
  }
 
  public int suma(int a, int b) {
    return a+b;
  }
 
  public int resta(int a, int b) {
    return a-b;
  }
}
 

Para executar os métodos do applet soamente fai falla recuperar do DOM o applet e executar os métodos deste como se estivesen dispoñibles en javascript. O código HTML do applet:

<applet id="MyApplet" code="BridgeAppletJavascript.class" width="0" height="0"></applet>
 

O código javascript que executa unha suma, co método do applet:

var applet = document.getElementById('MyApplet');
alert( applet.suma(5, 4) );
 

^{Pantallazo da execución do exemplo}

O código do exemplo pódese descargar a continuación:

JAXB é unha tecnoloxía que proporciona unha maneira rápida de "mapear" documentos XML en obxectos Java. Dado un esquema XML (XML Schema *.xsd) que especifica a estrutura do documento XML, o compilador de JAXB (xjc) xera un conxunto de clases co código necesario para procesar, ou xerar, calquer documento XML baseado no esquema.

Para probar esta tecnoloxía propúxenme facer un parser das novas, en formato Atom, de vifito.eu. JAXB vén de serie con java 6, para comprobar que podemos facer este "experimento" basta con ir a consola e probar se temos o seguinte comando xjc.

Para que o compilador de JAXB poida xerar as clases Java que mapeen un documento Atom precisamos o XML Schema da súa especificación. Como cos xsd que atopei vía google non daban máis que problemas o que fixen foi xerar o xsd a partires do xml.